Parc Adula

Tgei ei la Charta 

La charta ei il plan da gestiun per l’entira fasa da menaschi da diesch onns. Ella survescha als purtaders dil parc per la gestiun dil parc e lubescha a cantun e confederaziun il giudicament en consideraziun dalla surdada dall’etichetta da parc e dad ina promoziun pusseivla. En la charta ston ils emprems quater onns dalla fasa da menaschi vegnir planisai aschi detagliadamein che ina cunvegnientscha da program denter confederaziun e cantun sa vegnir fatga sebasond sin quella. La planisaziun per ils sis onns ulteriurs sto vegnir formulada aschi exactamein che igl ei veseivel cheutras, sche las finamiras che ins haveva mess per la fin dalla fasa da menaschi da diesch onns san vegnir contonschidas. Ord la charta duei resortir, tgei che caracterisescha quei territori dil parc potenzial tut specialmein, e pertgei che el mereta la renconuschientscha entras la confederaziun sco parc da muntada naziunala e duei obtener il sustegn finanzial giavischau