© Parc Adula
Co il parc vegn finanziaus
Parc Adula fuorma ina impurtonta pusseivladad da svilup e d’investiziun ellas 5 regiuns.
En sia planisaziun da finanzas ha Parc Adula dus horizonts da temps. Inagada ei quei la finamira a liunga vesta culs emprems diesch onns dalla fasa da menaschi. Lu la finamira a cuorta vesta che preveda il temps dalla cunvegna programatica. Quella cuoza da ga tier ga mintgamai 4 onns.
La planisaziun da quater onns e la cunvegna programatica fuorman per confederaziun e cantuns la basa principala per taxar ils indicaturs fixai e per reparter silsuenter las contribuziuns.
Igl UFAM examinescha dapresent la damonda davart la planisaziun finanziala per la perioda da quater onns 2016–19.
Spartas d’activitad
Il plan elaborau per la fasa da menaschi sereparta en 5 spartas d’activitads ch’igl UFAM ha proponiu (mira grafica dasperas). Il plan da menaschi ei in instrument essenzial, cunzun per la communicaziun e la collaboraziun denter differents partenaris da project. Finamira dueigi esser da dilucidar da maniera capeivla las tematicas cumplexas d’in parc naziunal cun sia zona centrala e sia zona circumdonta.
Repartiziun dils mieds finanzials per la perioda da quater onns 2016–19
La damonda da finanziaziun per la perioda da quater onns 2016–19 sedivida suandontamein.
Repartiziun dallas spartas d’activitad per la perioda da quater onns 2016–19
Il plan da menaschi per la proxima perioda da quater onns preveda cuosts da dapli che 15 milliuns francs. La damonda da finanziaziun sedivida sillas suandontas spartas d’activitad.
